ചെറുപ്പം മുതലേ ചിത്രകലയോട് അഭിനിവേശം പുലര്ത്തിയിരുന്ന നജാബ പഠന കാലത്തെ ഒഴിവു സമയത്താണ് സ്വപ്രയത്നം കൊണ്ട് ചിത്രകലയില് പ്രാവീണ്യം നേടിയത്. ശാസ്ത്രീയമായി ചിത്രകല അഭ്യസിച്ചിട്ടില്ലെങ്കിലും നജാബയുടെ ചിത്രങ്ങള്ക്ക് തഴക്കം വന്ന ആര്ട്ടിസ്റ്റിന്റെ പൂര്ണ്ണതയുണ്ടെന്ന് കാഴ്ചക്കാര് സാക്ഷ്യപ്പെടുത്തുന്നു. കാസര്കോട് ഗവ. കോളേജില് നിന്ന് ബി. എസ്. സി മാത്സില് ബിരുദവും പെരിയ കേരള കേന്ദ്ര സര്വകലാശാലയില് നിന്ന് എം. എസ്. സിയും നേടിയ നജാബ കണ്ണൂര് യൂണിവേഴ്സിറ്റി ബി. എഡ് രണ്ടാം റാങ്ക് ജേതാവ് കൂടിയാണ്.
അക്രിലിക്ക് പെയിന്റിങ്ങിലും വാട്ടര് കളറിലും ഓയില് പെയിന്റിങ്ങിലും കഴിവ് തെളിയിച്ചിട്ടുള്ള ഈ ബേവിഞ്ച സ്റ്റാര് നഗര് സ്വദേശിനി സ്കൂള് കോളജ് തല മത്സരങ്ങളില് സമ്മാനങ്ങള് വാരിക്കൂട്ടിയിട്ടുണ്ട്.
കൈരളി ബുക്സിന്റെയും മയൂര ആര്ട് പ്രസ് ബുക്ക് ഷോപ്പിന്റെയും ആഭിമുഖ്യത്തില് നജാബ വരച്ച ചിത്രങ്ങളുടെ പ്രദര്ശനം ജൂലൈ 27 മുതല് കാസര്കോട് ഐ. സി ഭണ്ഡാരി റോഡ് പരിസരത്ത് സംഘടിപ്പിക്കുന്നുണ്ട്.
കാസര്കോടിനൊരിടം.
Post a Comment