തിരുവനന്തപുരം:(www.thenorthviewnews.in) വാഹനങ്ങളില്‍ നിയമപരമായ രീതിയില്‍ കൂളിങ്‌ പേപ്പര്‍ ഉപയോഗിക്കാന്‍ ഹൈക്കോടതി അനുമതി നല്‍കിയിട്ടുണ്ടെന്നും മോട്ടര്‍ വാഹനവകുപ്പ്‌ ഉദ്യോഗസ്‌ഥരും പോലീസ്‌ ഉദ്യോഗസ്‌ഥരും ഈ വിധി കൃത്യമായി പാലിക്കണമെന്നും മന്ത്രി കെ.ബി.
ഗണേഷ്‌ കുമാര്‍. കോടതി വിധിയെ സ്വാഗതം ചെയ്യുന്നു. വഴിയില്‍ വാഹനം തടഞ്ഞുനിര്‍ത്തി കൂളിങ്‌ ഫിലിം വലിച്ചുകീറുന്ന നടപടികള്‍ മുമ്ബ്‌ ഉണ്ടായിട്ടുണ്ടെന്നും ഇത്‌ വാഹന ഉടമകളെ അപമാനിക്കുന്നതിനു തുല്യമാണെന്നും മന്ത്രി പറഞ്ഞു.
മുന്‍ ഗ്ലാസില്‍ 70 ശതമാനവും സൈഡ്‌ ഗ്‌ളാസില്‍ 50 ശതമാനവും വിസിബിലിറ്റി മതി എന്നാണു കോടതി പറഞ്ഞിരിക്കുന്നത്‌. ഇതു കൃത്യമായി പാലിക്കണം. ഇതിന്റെ പേരില്‍ ഇനി ആളുകളെ ബുദ്ധിമുട്ടിക്കരുത്‌. കുഞ്ഞുങ്ങളുമായി യാത്ര ചെയ്യുന്നവര്‍,ക്യാന്‍സര്‍ രോഗികള്‍ എന്നിവര്‍ക്ക്‌ ഇപ്പോഴത്തെ ചൂട്‌ അസഹനീയമാണ്‌. നിയമം പാലിക്കാതെ കട്ടി കൂടിയ ഫിലിം ഒട്ടിച്ചിട്ടുണ്ടെങ്കില്‍ ആളുകളെ ബുദ്ധിമുട്ടിക്കാതെ നടപടി എടുക്കാം. ഫൈന്‍ അടിച്ച്‌ ഫിലിം മാറ്റി വാഹനം
കൊണ്ടുവന്ന്‌ കാണിക്കാന്‍ ആവശ്യപ്പെടാം. റോഡില്‍ വച്ച്‌ ഒരു കാരണവശാലും ഉദ്യോഗസ്‌ഥര്‍ ഫിലിം വലിച്ചുകീറരുതെന്നും മന്ത്രി പറഞ്ഞു.
إرسال تعليق