ദോഹ:(www.thenorthviewnews.in) ഇന്ത്യയില് നിന്ന് കോവിഷീല്ഡ് വാക്സിന് എടുത്തവര്ക്ക് ഖത്തറില് ഇനി ക്വാറന്റീന് വേണ്ട. കോവിഷീല്ഡ് വാക്സിന് ഖത്തര് അധികൃതര് അംഗീകാരം നല്കിയതായി ദോഹയിലെ ഇന്ത്യന് എംബസി അറിയിച്ചു. രണ്ടാം ഡോസ് എടുത്ത് രണ്ടാഴ്ച കഴിഞ്ഞ് ഖത്തറില് എത്തുന്നവര്ക്കാണ് ഇളവ്. വാക്സിന് എടുത്തതിന്െറ സര്ട്ടിഫിക്കറ്റ് യാത്രക്കാരന്െറ കൈവശം ഉണ്ടായിരിക്കണം. ഏപ്രില് 25 മുതലാണ് പുതിയ തീരുമാനം പ്രാബല്യത്തില് വരിക. ഫൈസര്, മൊഡേണ എന്നീ വാക് സിനുകളാണ് ഖത്തറില് നിലവില് എല്ലാവര്ക്കും സൗജന്യമായി നല്കുന്നത്. ആസ്ട്രസെനക, ജോണ്സണ് ആന്റ് ജോണ്സന് എന്നിവക്കും ഖത്തര് അംഗീകാരം നല്കിയിരുന്നു. ഈ പട്ടികയിലാണ് ഇപ്പോള് കോവിഷീല്ഡിനെയും ഉള്െപ്പടുത്തിയിരിക്കുന്നത്.
ആദ്യഘട്ടത്തില് ഖത്തറില് നിന്ന് വാക്സിന് സ്വീകരിച്ച് ആറുമാസത്തിനുള്ളില് തിരിച്ചെത്തുന്നവര്ക്ക് ക്വാറന്റീന് ഒഴിവാക്കിയിരുന്നു. ഇന്ത്യയടക്കമുള്ള കോവിഡ് ഭീഷണി കൂടുതലുള്ള രാജ്യങ്ങളില് നിന്ന് ഖത്തറില് എത്തുന്നവര്ക്ക് ഒരാഴ്ച ഹോട്ടല് ക്വാറന്റീന് നിര്ബന്ധമാണ്. ഏപ്രില് 25 മുതല് ഇന്ത്യയില് നിന്ന് കോവിഷീല്ഡ് വാക്സിന് എടുത്തവരെയും ഹോട്ടല് ക്വാറന്റീനില് നിന്ന് ഒഴിവാക്കുകയാണ് ഇപ്പോള് ചെയ്തിരിക്കുന്നത്. ആയിരക്കണക്കിന് ഇന്ത്യക്കാര്ക്ക് ഖത്തര് തീരുമാനം പ്രയോജനം ചെയ്യും. ഖത്തറിലെ ഏറ്റവും കൂടുതല് പ്രവാസികള് ഇന്ത്യക്കാരാണ്.
Post a Comment