പത്തനംതിട്ട:(www.thenorthviewnews.in) നിയമസഭാ തെരഞ്ഞെടുപ്പില് മെട്രോമാന് ഇ. ശ്രീധരന് ബിജെപിയുടെ മുഖ്യമന്ത്രി സ്ഥാനാര്ഥിയെന്ന് പാര്ട്ടി സംസ്ഥാന അധ്യക്ഷന് കെ. സുരേന്ദ്രന്. പത്തനംതിട്ടയിലാണ് കെ. സുരേന്ദ്രന്റെ പ്രഖ്യാപനം. കേരളത്തിന്റെ വികസനമുരടിപ്പിന് അറുതി വരുത്താനും അഴിമതിയില്ലാത്ത വികസന മാതൃക സംസ്ഥാനിന് വേണമെന്നുള്ളത് കൊണ്ടുമാണ് ശ്രീധരനെ മുഖ്യമന്ത്രി സ്ഥാനാര്ഥിയായി കൊണ്ടുവരുന്നതെന്ന് സുരേന്ദ്രന് പറഞ്ഞു.
വിജയയാത്രയുടെ ഭാഗമായി പത്തനംതിട്ട ജില്ലയില് സംസാരിക്കുകയായിരുന്നു അദ്ദേഹം. അടുത്ത ദിവസം മറ്റു സ്ഥാനാര്ഥികളെയും പ്രഖ്യാപിക്കുമെന്നും തെരഞ്ഞെടുപ്പിന് പാര്ട്ടി സജ്ജമാണെന്നും സുരേന്ദ്രന് പറഞ്ഞു. പാലാരിവട്ടം പാലം അഴിമതിയില്ലാതെ അഞ്ച് മാസം കൊണ്ട് പൂര്ത്തിയാക്കാന് ശ്രീധരനായി. അഴിമതിയില്ലാതെ വികസനമാണ് വേണ്ടതെന്നും സുരേന്ദ്രന് പറഞ്ഞു. വീടിനോട് അടുത്ത മണ്ഡലമെന്ന നിലയില് പൊന്നാനിയില് നിന്ന് മത്സരിക്കാനാണ് താത്പര്യമെന്ന് ഇന്ന് ശ്രീധരന് വ്യക്തമാക്കിയിരുന്നു.
കൊച്ചി മെട്രോയും പാലാരിവട്ടം പാലവുമെല്ലാം ശ്രീധരന്റെ നേട്ടമാണ്. മെട്രോമാന് മുഖ്യമന്ത്രിയായാല് കേരളത്തിന്റെ മുഖച്ഛായ മാറ്റാന് സാധിക്കും.
‘ഒരവസരം മെട്രോമാന് ലഭിച്ചാല് നരേന്ദ്ര മോദിയുടെ വികസനപ്രവര്ത്തനങ്ങള് പതിന്മടങ്ങ് നടപ്പാക്കാന് കഴിയുമെന്ന് ഞങ്ങള്ക്ക് പൂര്ണ്ണമായി വിശ്വസിക്കുന്നുണ്ട്. ക്രൈസ്തവരും ഹൈന്ദവരും യോജിച്ചില്ലെങ്കില് കൂട്ടപാലായനമായിരിക്കും ഫലം. തൊടുപുഴയില് അദ്ധ്യാപകന്റെ കൈവെട്ടിയപ്പോള് പ്രതികരിക്കാതിരുന്ന ഇടതു-വലത് മുന്നണികള് ലൗജിഹാദിനെതിരെയും മിണ്ടുന്നില്ല. ശബരിമല വിഷയത്തില് ഹിന്ദുക്കളെ പറ്റിച്ച പോലെ ക്രൈസ്തവരെയും വഞ്ചിക്കുകയാണ് കോണ്ഗ്രസും സിപിഎമ്മും’ സുരേന്ദ്രന് പറഞ്ഞു.
ബിജെപി അധികാരത്തില് വന്നാല് സംസ്ഥാനത്തെ കടക്കെണിയില് നിന്ന് രക്ഷിക്കാനും അടിസ്ഥാന സൗകര്യ വികസനത്തിനുമാവും പ്രാമുഖ്യം നല്കുകയെന്നും ശ്രീധരന് പറഞ്ഞു. ഇതിനു പിന്നാലെയാണ് ബിജെപി ശ്രീധരനെ മുഖ്യമന്ത്രി സ്ഥാനാര്ഥിയായി പ്രഖ്യാപിച്ചത്.
Post a Comment