കാസര്കോട് :(www.thenorthviewnews.in) സമസ്ത കേരള ജംഇയ്യത്തുല് മുഅല്ലിമീന് സെന്ട്രല് കൗണ്സിലിന്റെ അന്തര്സംസ്ഥാന സാരഥീ സംഗമവും നേതൃത്വ പരിശീലനവും 18ന് ചെര്ക്കള ഐമാക്സ് ഓഡിറ്റോറിയത്തില് നടക്കും. ജംഇയ്യത്തുല് മുഅല്ലിമീന് കീഴിലുള്ള 427 റെയ്ഞ്ചുകളിലെ പ്രധാന ഭാരവാഹികള്ളടക്കം 2000 പ്രതിനിധികള് സാരഥി സംഗമത്തില് പങ്കെടുക്കും.
കേരളത്തിന് പുറമെ കര്ണാടക, ലക്ഷദ്വീപ്, തമിഴ്നാട് സംസ്ഥാനങ്ങളില് നിന്നുള്ള പ്രതിനിധികളും ഇതില് ഉള്പ്പെടും. 18ന് രാവിലെ ഒമ്പതിന് സുന്നി യുവജനസംഘം സംസ്ഥാന ട്രഷറര് മെട്രോ മുഹമ്മദ് ഹാജി പതാക ഉയര്ത്തും. തുടര്ന്ന് എസ്.കെ.എസ്.എസ്.എഫ് സംസ്ഥാന പ്രസിഡണ്ട പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില് സമസ്ത കേരള ജംഇയ്യത്തുല് ഉലമ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങള് ഉദ്ഘാടനം ചെയ്യും. ജനറല് സെക്രട്ടറി പ്രൊഫ. കെ ആലിക്കുട്ടി മുസ്ലിയാര് മുഖ്യപ്രഭാഷണം നടത്തും. കേന്ദ്ര മുശാവറാംഗം എം.എം മുഹ്യുദ്ദീന് മുസ്ലിയാര് ആലുവ പ്രാര്ത്ഥന നടത്തും. ജംഇയ്യത്തുല് മുഅല്ലിമീന് 60-ാം വാര്ഷിക ലോഗോ പ്രസിഡണ്ട് സി.കെ.എം സ്വാദിഖ് മുസ്ലിയാര് പ്രകാശനം ചെയ്യും. മാതൃകാ മുഅല്ലിം അവാര്ഡ് ദാനം വിദ്യാഭ്യാസ ബോര്ഡ് ജനറല് സെക്രട്ടറി എം.ടി അബ്ദുല്ല മുസ്ലിയാര് നിര്വഹിക്കും.
പഠനവൈകല്ല്യമുള്ള കുട്ടികളെ കണ്ടെത്തി വളര്ത്തി കൊണ്ടുവരുന്നതിന് അധ്യാപകര്ക്ക് പരിശീലനം നല്കുന്ന പദ്ധതി പി.ബി അബ്ദുല് റസാഖ് എം.എല്.എ പ്രഖ്യാപിക്കും. അധ്യാപന രംഗത്ത് 50വര്ഷം പൂര്ത്തിയാക്കിയവര്ക്കുള്ള മുഅല്ലിം സുവര്ണ സേവന പുരസ്കാരം കര്ണാടക മന്ത്രി യു.ടി ഖാദര്, വിദ്യാഭ്യാസ ബോര്ഡ് പ്രസിഡണ്ട് പി.കെ.പി അബ്ദുസലാം മുസ്ലിയാര്, മിത്തബയില് അബ്ദുല് ജബ്ബാര് മുസ്ലിയാര്, ത്വാഖ അഹമ്മദ് മുസ്ലിയാര് അല് അസ്ഹരി, യു.എം അബ്ദുറഹ്മാന് മുസ്ലിയാര്, എം.എ ഖാസിം മുസ്ലിയാര് എന്നിവര് വിതരണം ചെയ്യും. ഡോ. ബഹാഉദ്ധീന് നദ്വി കൂരിയാട്, ഓണമ്പള്ളി മുഹമ്മദ് ഫൈസി പ്രഭാഷണം നടത്തും. എന്. എ നെല്ലിക്കുന്ന് എം. എല്. എ, പി. ബി അബ്ദുറസാഖ് എം. എല്. എ, മുന്മന്ത്രി ചെര്ക്കളം അബ്ദുള്ള, ഡോ. എ. എ. എം അബ്ദുല് ഖാദര്, അബ്ദുള്ള കോട്ടപ്പുറം, കെ. മോയിന് കുട്ടി, എം.എ ചേളാരി സംസാരിക്കും. പത്രസമ്മേളനത്തില് ജംഇയ്യത്തുല് മുഅല്ലിമിന് ജില്ലാ പ്രസിഡണ്ട് ടി. പി അലിഫൈസി, ജനറല് സെക്രട്ടറി സയ്യിദ് ഹുസൈന് തങ്ങള് മാസ്തിക്കുണ്ട്, ട്രഷറര് ലത്തീഫ് മൗലവി ചെര്ക്കള, ചെര്ക്കള റെയ്ഞ്ച് സെക്രട്ടറി മൊയ്തു മൗലവി ചെര്ക്കള പങ്കെടുത്തു.
Post a Comment