മഹാകുംഭമേള ഉത്തർപ്രദേശിന് കിട്ടിയത് 2,000,000,000,000 രൂപ

 

ലക്നൗ: ലോകത്തുടനീളമുള്ള ഹിന്ദുആത്മീയവാദികളുടെ ശ്രദ്ധയാകർഷിക്കുന്ന ഇന്ത്യയുടെ മഹാകുംഭമേള ഉത്തർപ്രദേശിന് നൽകുന്നത് വമ്ബൻ കോള് പരിപാടി ഉത്തർപ്രദേശിന് 2,000,000,000,000 രൂപ വരുമാനം ഉണ്ടാക്കിയേക്കുമെന്നാണ് പ്രതീക്ഷിക്കുന്നത്. ലോകത്തിലെ ഏറ്റവും വലിയ മനുഷ്യസമൂഹം എന്ന് വിളിക്കപ്പെടുന്ന കുംഭമേളയിൽ ലോകത്തുടനീളമുള്ള രാജ്യങ്ങളിൽ നിന്നുള്ളവരെ പ്രയാഗ്രാജിലേക്ക് കൊണ്ടുവരുമെന്ന് പ്രതീക്ഷിക്കുന്നു. ഇന്ന് രാവിലെ ഉത്തർപ്രദേശിലെ പ്രയാഗ്രാജിൽ മഹാ കുംഭമേള ആരംഭിച്ചു. 12 വർഷങ്ങൾക്ക് ശേഷമാണ് പ്രയാഗ്രാജിൽ മഹാ കുംഭമേള നടക്കുന്നത്. ഗംഗ, യമുന, പുരാണ സരസ്വതി നദികൾ സംഗമിക്കുന്ന സംഗമസ്ഥാനത്ത് 50 ലക്ഷത്തിലധികം ആളുകൾ ആദ്യത്തെ പുണ്യസ്നാനം നടത്തി. ലോകത്തിലെ മനുഷ്യരാശിയുടെ ഏറ്റവും വലിയ സമ്മേളനമെന്ന് വിശേഷിപ്പിക്കപ്പെടുന്ന, സഹസ്രാബ്ദങ്ങൾ പഴക്കമുള്ള കുംഭമേള 40 കോടിയിലധികം ആളുകളെ പ്രയാഗ്രാജിലേക്ക് കൊണ്ടുവരുമെന്ന് പ്രതീക്ഷിക്കുന്നു. ഇത് യുഎസിലെയും റഷ്യയിലെയും ജനസംഖ്യയേക്കാൾ കൂടുതലാണ്. ഫെബ്രുവരി 26 വരെ നടക്കുന്ന പരിപാടിയിലേക്ക് 4000 ഹെക്ടർ ഭൂമിയിലായിട്ടാണ് ആൾക്കാർക്ക് സൗകര്യം ചെയ്തു കൊടുത്തിരിക്കുന്നത്. ഉത്തർപ്രദേശിന്റെ വരുമാനത്തിൽ വൻ വർദ്ധന പരിപാടി നേടിക്കൊടുക്കുമെന്നാണ് പ്രതീക്ഷിക്കുന്നത്. 45

നേടിക്കൊടുക്കുമെന്നാണ് പ്രതീക്ഷിക്കുന്നത്. 45 ദിവസം നീളുന്ന മെഗാ പരിപാടിക്കായി 7000 കോടി രൂപയാണ് ഉത്തർപ്രദേശ് ബജറ്റിൽ വകയിരുത്തിയത് ഉത്തർപ്രദേശിൽ 40 കോടി ആൾക്കാർ 5000 രൂപ മാത്രം ചെലവിട്ടാൽ പോലും പരിപാടി രണ്ടുലക്ഷം കോടി ഉണ്ടാക്കിക്കൊടുക്കുമെന്നാണ് പ്രതീക്ഷിക്കപ്പെടുന്നത്. ഇവർ 10,000 രൂപ ചെലവഴിച്ചാൽ നാലുലക്ഷം കോടി രൂപയോളം വരും. ഇത് യുപി യുടെ ജിഡിപിയിൽ ഒരു ശതമാനം വർദ്ധനവും ഉണ്ടാക്കുന്നു. 2019ലെ പ്രയാഗ്രാജിന്റെ അർദ്ധ കുംഭമേള സംസ്ഥാനത്തിന്റെ സമ്‌ബദ്വ്യവസ്ഥയ്ക്ക് 1.2 ലക്ഷം കോടി രൂപ സംഭാവന നൽകിയതായി യുപി മുഖ്യമന്ത്രി യോഗി ആദിത്യനാഥ് പറഞ്ഞു. 2019 ലെ 'അർദ്ധ'കുംഭമേള, ഏകദേശം 24 കോടി തീർത്ഥാടകരെ ആകർഷിച്ചിരുന്നു. എണ്ണ, വിളക്ക്, ഗംഗാജലം, വിഗ്രഹങ്ങൾ, ധൂപവർഗ്ഗങ്ങൾ, മതഗ്രന്ഥങ്ങൾ തുടങ്ങിയ മതപരമായ വസ്തുക്കളും വഴിപാടുകളും സാമ്ബത്തിക പ്രവർത്തനത്തിന്റെ മറ്റൊരു പ്രധാന മേഖലയാണെന്നും 20,000 കോടി രൂപ സംഭാവന നൽകുമെന്നും വ്യാപാരികളുടെ സംഘടന പറഞ്ഞു. പ്രാദേശിക, അന്തർസംസ്ഥാന സേവനങ്ങൾ, ചരക്ക്, ടാക്സികൾ എന്നിവയുൾപ്പെടെ ഗതാഗതം, ലോജിസ്റ്റിക്സ് എന്നിവയ്ക്ക് 10,000 കോടി രൂപ പ്രതീക്ഷിക്കുന്നു, അതേസമയം ടൂർ ഗൈഡുകൾ, ട്രാവൽ പാക്കേജുകൾ, അനുബന്ധ പ്രവർത്തനങ്ങൾ തുടങ്ങിയ ടൂറിസം സേവനങ്ങൾ 10,000 കോടി രൂപ കൂടി സംഭാവന ചെയ്യാൻ സാധ്യതയുണ്ട്. സിഎഐടി പറഞ്ഞു. താൽക്കാലിക മെഡിക്കൽ ക്യാമ്ബുകൾ, ആയുർവേദ ഉൽപ്പന്നങ്ങൾ, മരുന്നുകൾ എന്നിവയിലൂടെ 3,000 കോടി രൂപയും ഇ-ടിക്കറ്റിംഗ്, ഡിജിറ്റൽ പേയ്മെന്റുകൾ, വൈ-ഫൈ സേവനങ്ങൾ, മൊബൈൽ ചാർജിംഗ് സ്റ്റേഷനുകൾ തുടങ്ങിയ മേഖലകളിൽ 1,000 കോടി രൂപയുടെ ബിസിനസ്സ് പ്രതീക്ഷിക്കുന്നു. പരസ്യവും പ്രമോഷണൽ പ്രവർത്തനങ്ങളും ഉൾപ്പെടെയുള്ള വിനോദ, മാധ്യമങ്ങൾ വ്യാപാരത്തിൽ 10,000 കോടി രൂപയുടെ വരുമാനം ഉണ്ടാക്കുമെന്ന് സിഎഐടി അറിയിച്ചു. ഈ വർഷം, മഹാ കുംഭമേളയിൽ സന്ദർശകരെ പാർപ്പിക്കാൻ ഏകദേശം 1,50,000 ടെന്റുകൾ ഉണ്ട്, കൂടാതെ 3,000 അടുക്കളകളും 1,45,000 വിശ്രമമുറികളും 99 പാർക്കിംഗ് സ്ഥലങ്ങളും സജ്ജീകരിച്ചിരിക്കുന്നു.ജനക്കൂട്ടത്തെ നിയന്ത്രിക്കാനും സുരക്ഷയൊരുക്കാനും 40,000-ത്തിലധികം പോലീസ് ഉദ്യോഗസ്ഥരാണ് കാവൽ നിൽക്കുന്നത്.(www.thenorthviewnews.in)