കോഴിക്കോട്:(www.thenorthviewnews.in) സംസ്ഥാനത്ത് ലൗ ജിഹാദും നാര്ക്കോട്ടിക് ജിഹാദും നടക്കുന്നുണ്ടെന്ന് ആരോപണമുന്നയിച്ച പാലാ രൂപത ബിഷപ്പ് ജോസഫ് കല്ലറങ്ങോട്ട് അതിെന്റ തെളിവുകള് പുറത്തുവിടണമെന്ന് എസ്.കെ.എസ്.എസ്.എഫ് സംസ്ഥാന ജനറല് സെക്രട്ടറി സത്താര് പന്തല്ലൂര്. കേരളത്തില് ലവ് ജിഹാദിനൊപ്പം നര്ക്കോട്ടിക് ജിഹാദുമുണ്ടെന്ന ആരോപണമാണ് പാലാ രൂപത ബിഷപ് മാര് ജോസഫ് കല്ലറങ്ങാട്ട് ഉന്നയിച്ചത്. നര്കോട്ടിക്, ലവ് ജിഹാദുകള്ക്ക് കത്തോലിക്ക പെണ്കുട്ടികളെ ഇരയാക്കുന്നുവെന്നും ഇതിനെതിരെ കത്തോലിക്ക കുടുംബങ്ങള് കരുതിയിരിക്കണമെന്നും ബിഷപ്പ് വചന സന്ദേശത്തില് പറഞ്ഞിരുന്നു. ഇതിനെതിരായാണ് ബിഷപ്പ് തെളിവുകള് വെളിപ്പെടുത്തണമെന്ന ആവശ്യവുമായി എസ്.കെ.എസ്.എസ്.എഫ് നേതാവ് രംഗത്ത് എത്തിയത്.
'ലൗ ജിഹാദ്, നാര്കോട്ടിക് ജിഹാദ് ആരോപണത്തിെന്റ തെളിവുകള് പാലാ ബിഷപ്പ് വെളിപ്പെടുത്തണം. അതിന് കഴിയില്ലെങ്കില് അദ്ദേഹം നാര്കോട്ടിക് അടിച്ചതെവിടെ നിന്നെന്ന് തുറന്നു പറയണം. രണ്ടും നടക്കില്ലെങ്കില് ഈ വിഷ സര്പ്പത്തെ പിടിച്ച് കൂട്ടിലടക്കണം'-സത്താര് പന്തല്ലൂര് ഫേസ്ബുക്കില് കുറിച്ചു. . കുറവിലങ്ങാട് പള്ളിയുടെ യുട്യൂബ് ചാനലിലൂടെയാണ് ബിഷപ്പിെന്റ പ്രസംഗം പുറത്തുവന്നത്.
ലവ് ജിഹാദില്ലെന്ന് സ്ഥാപിക്കാന് ശ്രമിക്കുന്നത് കണ്ണടച്ച് ഇരുട്ടാക്കുന്നതിന് തുല്യമാണ്. ഇത്തരക്കാര്ക്ക് നിക്ഷിപ്ത താല്പര്യം ഉണ്ട്. ഇതര മതസ്ഥരായ യുവതികള് ഐ.എസ് ക്യാമ്ബില് എങ്ങനെ എത്തിയെന്ന് പരിശോധിച്ചാല് ഇക്കാര്യങ്ങള് മനസിലാകും. വര്ഗീയതയും വിദ്വേഷവും വെറുപ്പും മതസ്പര്ധയും അസഹിഷ്ണുതയും വളര്ത്താന് ശ്രമിക്കുന്ന ജിഹാദി തീവ്രവാദികള് ലോകമെമ്ബാടും ഉണ്ട്. ഇതിനെതിരെ കത്തോലിക്ക കുടുംബങ്ങള് കരുതിയിരിക്കണമെന്നും ബിഷപ്പ് മുന്നറിയിപ്പ് നല്കുന്നു. ജിഹാദിന് സഹായം നല്കുന്ന ഒരു വിഭാഗം കേരളത്തില് പ്രവര്ത്തിക്കുന്നുണ്ട്. ആയുധം ഉപയോഗിക്കാനാവാത്ത സ്ഥലങ്ങളില് ഇത്തരം മാര്ഗങ്ങളാണ് ഉപയോഗിക്കുന്നത് എന്നിങ്ങനെയാണ് ബിഷപ്പ് ആരോപിച്ചത്.
Post a Comment