ഊഞ്ഞാലിൽ കളിക്കുന്നതിനിടെ സാരി കഴുത്തിൽ കുടുങ്ങി വിദ്യാർത്ഥിനി മരിച്ചു
കാസര്കോട്: (www.thenorthviewnews.in) സാരി കെട്ടിയുണ്ടാക്കിയ ഊഞ്ഞാലില് കളിക്കുന്നതിനിടെ അബദ്ധത്തില് കഴുത്തില് കുരുങ്ങി വിദ്യാര്ത്ഥിനി മരണപ്പെട്ടു. ബദിയടുക്ക ബെളിഞ്ചയിലെ മുഹമ്മദ് നാസര്- ഫൗസിയ ദമ്പതികളുടെ മകള് ഫാത്വിമ നൗഫിയ (10) ആണ് മരിച്ചത്. വെള്ളിയാഴ്ച ഉച്ചയ്ക്ക് 12 മണിയോടെയാണ് സംഭവം.
ഊഞ്ഞാലില് കളിച്ചുകൊണ്ടിരിക്കെ അബദ്ധത്തില് കഴുത്തില്കുരുങ്ങുകയായിരുന്നു. ഈ സമയം മാതാവ് അടുക്കളയില് ജോലിയിലും പിതാവ് പള്ളിയില് പോയിരിക്കുകയുമായിരുന്നു. ശബ്ദംകേട്ട് മാതാവ് ഓടിയെത്തി കഴുത്തില് നിന്നും സാരി മാറ്റി കുട്ടിയെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
അതൃകുഴി സ്കൂളിലെ അഞ്ചാം ക്ലാസ് വിദ്യാര്ത്ഥിനിയാണ് നൗഫിയ. സഹോദരങ്ങള്: ഫാത്വിമ നഫ്സിയ, മുഹമ്മദ് മുഫീദ്, ഫാത്വിമ മുഫീദ, ഫാത്വിമ നഫ്ല. ദമ്പതികളുടെ മൂത്ത കുട്ടിയാണ് മരണപ്പെട്ട നൗഫിയ. മൃതദേഹം കാസര്കോട് ജനറല് ആശുപത്രി മോര്ച്ചറിയിലേക്ക് മാറ്റി.
Post a Comment