എസ്.എസ്.എല്‍.സി, പ്ലസ് ടൂ പരീക്ഷകൾ ജില്ലക്ക്​ പുറത്തും എഴുതാം

എസ്.എസ്.എല്‍.സി, പ്ലസ് ടൂ പരീക്ഷകൾ ജില്ലക്ക്​ പുറത്തും എഴുതാം

തിരുവനന്തപുരം: (www.thenorthviewnews.in)വിദ്യർഥികൾ പഠിക്കുന്ന ജില്ലക്ക്​ പുറത്തും എസ്.എസ്.എല്‍.സി, പ്ലസ് ടൂ പരീക്ഷകൾ എഴുതാനുള്ള ഇളവ്​ നൽകും. ഇതിനായി ഒാൺലൈനായി അപേക്ഷ നൽകണം. എന്നാല്‍ ജില്ലകൾക്കകത്ത് മാറ്റം അനുവദിക്കില്ല.

നിലവില്‍ പഠിക്കുന്ന ജില്ലയ്ക്ക് പുറത്ത് കഴിയുന്ന വിദ്യാര്‍ത്ഥികള്‍ക്ക് ദീർഘ ദൂര യാത്ര ഒഴിവാക്കാൻ ഈ ഇളവ്​ കാരണം സാധിക്കും. പരീക്ഷാ കേന്ദ്രം മാറ്റാന്‍ ഓണ്‍ലൈനായാണ്​ അപേക്ഷ നല്‍കേണ്ടത്​.  sslcexam.kerala.gov.in, hscap.kerala.gov.in എന്നീ വെബ്സൈറ്റുകളിലൂടെയാണ് അപേക്ഷിക്കേണ്ടത്.  23ന് പരീക്ഷാ കേന്ദ്രം അനുവദിച്ച് ലിസ്റ്റ് പ്രസിദ്ധീകരിക്കും. പ്ലസ് ടു, വിഎച്ച്‍എസ്‍സി കുട്ടികൾ അവരുടെ സബ്‍ജക്ട് കോംബിനേഷൻ ഉള്ള സ്കൂളിലേക്ക്​ മാത്രമാണ്​ അപേക്ഷിക്കേണ്ടത്​.

മെയ് 26 നാണ് എസ്.എസ്.എൽ.സി പ്ലസ് ടു പരീക്ഷൾ ആരംഭിക്കുന്നത്. ഈ മാസം 31 വരെ ലോക്ക് ഡൗണ്‍ പ്രഖ്യാപിച്ച സാഹചര്യത്തിൽ 26 മുതൽ നിശ്ചയിച്ചിരുന്ന പരീക്ഷകൾ മാറ്റണമെന്ന്​ വിദ്യാഭ്യാസ വകുപ്പിന്‍റെ നിര്‍ദേശമുണ്ടായിരുന്നു. എന്നാൽ പരീക്ഷ മുൻ നിശ്ചയിച്ച പ്രകാരം നടത്താനായിരുന്നു​ മുഖ്യമന്ത്രിയുടെ തീരുമാനം. ലോക്ക് ഡൗണ്‍ കഴിയുന്നത് വരെ പരീക്ഷ മാറ്റിവയ്ക്കണമെന്ന പ്രതിപക്ഷത്തിന്‍റെ ആവശ്യവും മുഖ്യമന്ത്രി തള്ളുകയായിരുന്നു.