കണ്ണൂരില്‍ ലോറിയിടിച്ച്‌ രണ്ട് തൊഴിലുറപ്പ് തൊഴിലാളികള്‍ക്ക് ദാരുണാന്ത്യം.

 

കണ്ണൂര്‍:(www.thenorthviewnews.in)ഏഴിമലയില്‍ ലോറിയിടിച്ച്‌ രണ്ട് തൊഴിലുറപ്പ് തൊഴിലാളികള്‍ മരിച്ചു . ഏഴിമല സ്വദേശികളായ ശോഭ, യശോദ എന്നിവരാണ് മരിച്ചത്.

നിയന്ത്രണം വിട്ട പിക്കപ്പ് ലോറി ഇവരുടെ ദേഹത്തേക്ക് പാഞ്ഞുകയറുകയായിരുന്നു. റോഡരികിലെ തൊഴിലില്‍ ഏര്‍പ്പെടുന്ന സമയത്താണ് നിയന്ത്രണം വിട്ട് പാഞ്ഞു കയറിയ പിക്കപ്പ് ഇടിച്ചത്. ആദ്യം റോഡരികിലെ മരത്തില്‍ ഇടിക്കുകയും സമീപത്ത് ജോലി ചെയ്തിരുന്ന 3 തൊഴിലാളികളുടെ ദേഹത്ത് കയറുകയുമായിരുന്നു. രണ്ടുപേര്‍ സംഭവ സ്ഥലത്ത് വച്ച്‌ തന്നെ മരണപ്പെട്ടു. ഒരാള്‍ പരുക്കേറ്റ് ചികിത്സയിലാണ്.