കോഴിക്കോട്:(www.thenorthviewnews.in) കോവിഡ് രോഗവ്യാപനം അതിരൂക്ഷമായ കോഴിക്കോട് ജില്ലയിലെ 12 ഗ്രാമപഞ്ചായത്തുകളിലും മലപ്പുറം ജില്ലയിലെ 8 തദ്ദേശ സ്ഥാപനങ്ങളുടെ പരിധിയിലും നിരോധനാജ്ഞ പ്രഖ്യാപിച്ചു. കോഴിക്കോട് ജില്ലയിലെ െടസ്റ്റ് പോസിറ്റിവിറ്റി നിരക്ക് (ടി.പി.ആര്) 25 ശതമാനത്തിന് മുകളിലെത്തിയ കുരുവട്ടൂര്, ചേമഞ്ചേരി, കായണ്ണ, ചെങ്ങോട്ടുകാവ്, പെരുമണ്ണ, വേളം, ചേളന്നൂര്, അരിക്കുളം, തലക്കുളത്തൂര്, ഏറാമല, ചക്കിട്ടപാറ, ഒളവണ്ണ എന്നീ ഗ്രാമപഞ്ചായത്തുകളിലാണ് ക്രിമിനല് നടപടിക്രമം 144 പ്രകാരം ജില്ല കലക്ടര് എസ്. സാംബശിവറാവു നിരോധനാജ്ഞ പുറപ്പെടുവിച്ച് ഉത്തരവിറക്കിയത്.
ഒരാഴ്ചക്കിടെയാണ് ഇവിടങ്ങളിലെ െടസ്റ്റ് പോസിറ്റിവിറ്റി ശരാശരി 25 ശതമാനത്തിന് മുകളിലെത്തിയത്. ഇവിടങ്ങളില് രോഗവ്യാപനം തടയുന്നതിന് കര്ശന നിയന്ത്രണങ്ങളാണ് ഏര്പ്പെടുത്തിയത്. ആരാധനാലയങ്ങള് ഉള്പ്പെടെയുള്ള പൊതുയിടങ്ങളില് അഞ്ചില് കൂടുതല് പേര് കൂട്ടംകൂടരുത്. വിവാഹം, പൊതുചടങ്ങുകള് എന്നിവയില് പങ്കെടുക്കുന്നവരുടെ എണ്ണവും അഞ്ചായി പരിമിതപ്പെടുത്തി. ചടങ്ങുകളും പരിപാടികളും സംബന്ധിച്ച വിവരങ്ങള് കോവിഡ് ജാഗ്രതാ പോര്ട്ടലിലെ ഇവന്റ് രജിസ്റ്ററില് രജിസ്റ്റര് ചെയ്യുകയും റാപ്പിഡ് റെസ്പോണ്സ് ടീം, സെക്ടറല് മജിസ്ട്രേട്ടുമാര്, പൊലീസ് എന്നിവരെ അറിയിക്കുകയും വേണം. അനുമതിയില്ലാതെ ഒരു കൂടിച്ചേരലുകളും പാടില്ല. അവശ്യ സര്വിസുകള്, മെഡിക്കല് ഷോപ്പുകള്, പെട്രോള് പമ്ബുകള് എന്നിവ ഒഴികെയുള്ള കച്ചവടസ്ഥാപനങ്ങള് രാവിലെ ഏഴു മുതല് വൈകീട്ട് ഏഴുവരെ മാത്രമേ പ്രവര്ത്തിക്കാവൂ.
12 ഗ്രാമപഞ്ചായത്തുകളില്തൊഴിലും ഉപജീവനമാര്ഗങ്ങളും കോവിഡ് മാനദണ്ഡങ്ങള് കര്ശനമായി പാലിച്ചുകൊണ്ടായിരിക്കണം. ഹോട്ടലുകളില് ഇരുന്ന് ഭക്ഷണം കഴിക്കാന് രാത്രി ഏഴുവരെ മാത്രമേ അനുവദിക്കൂ. രാത്രി ഒമ്ബതുവരെ പാഴ്സല് നല്കാം. എല്ലാ സ്ഥാപനങ്ങളിലും കോവിഡ് പ്രോട്ടോകോള് കര്ശനമായി പാലിക്കുന്നുവെന്ന് ആര്.ആര്.ടികളും സെക്ടറല് മജിസ്ട്രേട്ടുമാരും ഉറപ്പുവരുത്തും. പ്രോട്ടോകോള് ലംഘനം ഉണ്ടായാല് കുറഞ്ഞത് രണ്ടു ദിവസത്തേക്ക് സ്ഥാപനം അടച്ചിടുകയോ അല്ലെങ്കില്, വിഷയത്തിെന്റ ഗൗരവമനുസരിച്ച് കൂടുതല് നടപടി സ്വീകരിക്കുകയോ ചെയ്യും.
മലപ്പുറം ജില്ലയിലെ 8 തദ്ദേശ സ്ഥാപനങ്ങളുടെ പരിധിയില് നിരോധനാജ്ഞ പ്രഖ്യാപിച്ച് കലക്ടര് കെ.ഗോപാലകൃഷ്ണന്. കൊണ്ടോട്ടി നഗരസഭ, ചീക്കോട്, ചെറുകാവ്, പുളിക്കല്, പള്ളിക്കല്, മൊറയൂര്, മംഗലം, പോരൂര് പഞ്ചായത്തുകളിലാണ് നിരോധനാജ്ഞ പ്രഖ്യാപിച്ചത്.
ഇന്ന് രാത്രി 9 മുതല് നിരോധനാജ്ഞ പ്രാബല്യത്തില് വരും. 30 വരെയോ മറ്റൊരു ഉത്തരവുണ്ടാകുന്നതു വരെയോ നിരോധനാജ്ഞ തുടരും.
ഈ പ്രദേശങ്ങളില് 30 ശതമാനം പോസിറ്റിവിറ്റി നിരക്കോടെ 60ല് കൂടുതല് കോവിഡ് കേസുകള് റിപ്പോര്ട്ട് ചെയ്ത പശ്ചാത്തലത്തിലാണ് നടപടിയെന്ന് ഉത്തരവില് പറയുന്നു
إرسال تعليق