തിരുവനന്തപുരം:(www.thenorthviewnews.in) പെട്രോള്-ഡീസല് വില ദിനംപ്രതി കുതിച്ചുയരുന്നതില് പ്രതിഷേധിച്ച് ചൊവ്വാഴ്ച മോട്ടോര് വ്യവസായ മേഖലയിലെ ട്രേഡ് യൂനിയനുകളും തൊഴിലുടമകളും പണിമുടക്കും. രാവിലെ ആറുമുതല് വൈകീട്ട് ആറുവരെയാണ് പണിമുടക്ക്.
െക.എസ്.ആര്.ടി.സിയിലെ വിവിധ യൂനിയനുകളും പണിമുടക്കിന് പിന്തുണ അറിയിച്ചതിനാല് ബസുകള് ഒാടില്ല. സ്വകാര്യ ബസുകളും സമരത്തില് പങ്കെടുക്കും. ടാക്സികളും ഓട്ടോകളും നിരത്തിലിറങ്ങില്ലെന്ന് സമരസമിതി ഭാരവാഹികള് വ്യക്തമാക്കി.
വര്ക്ക്േഷാപ്പുകളടക്കം പ്രവര്ത്തിക്കില്ല. അതേസമയം പാല്, പത്രം, വിവാഹം, ആംബുലന്സ്, തെരഞ്ഞെടുപ്പുമായി ബന്ധപ്പെട്ട വാഹനങ്ങള് എന്നിവയെ പണിമുടക്കില്നിന്ന് ഒഴിവാക്കിയിട്ടുണ്ട്. സാധാരണ മോേട്ടാര് തൊഴിലാളി പണിമുടക്കുകള് 24 മണിക്കൂറാണ് നടക്കാറുള്ളതെങ്കിലും നിലവിലെ പ്രത്യേക സാഹചര്യങ്ങള് പരിഗണിച്ചാണ് 12 മണിക്കൂറായി ചുരുക്കിയതെന്ന് ഭാരവാഹികള് വ്യക്തമാക്കി.
പണിമുടക്കില് ഇരുചക്ര വാഹനങ്ങള് ഉള്പ്പെടെ സ്വകാര്യ വാഹനങ്ങള് നിരത്തിലിറക്കാതെ സഹകരിക്കണമെന്ന് സമരസമിതി അഭ്യര്ഥിച്ചു. പണിമുടക്കില് പെങ്കടുക്കുന്ന തൊഴിലാളികള് എല്ലാ ജില്ല ആസ്ഥാനങ്ങളിലും താലൂക്ക് കേന്ദ്രങ്ങളിലും ചൊവ്വാഴ്ച പ്രകടനം നടത്തും. പ്രചാരണാര്ഥം തിങ്കളാഴ്ച മിക്കയിടങ്ങളിലും സംയുക്ത തൊഴിലാളികളുടെ സൂചനപ്രകടനങ്ങള് നടന്നു.
കേന്ദ്ര സര്ക്കാര് എക്സൈസ് നികുതി, അഡീഷനല് എക്സൈസ്, സര്ചാര്ജ് തുടങ്ങിയവ കുത്തനെ ഉയര്ത്തിയതും പെട്രോളിയം കമ്ബനികള്ക്ക് കൊള്ള ലാഭമുണ്ടാക്കാന് അവസരമൊരുക്കുന്നതുമാണ് എണ്ണ വിലക്കയറ്റത്തിനു പിന്നിലെന്ന് സംയുക്തസമരസമിതി ഭാരവാഹികള് ആേരാപിച്ചു. സി.െഎ.ടി.യു, എ.െഎ.ടി.യു.സി, െഎ.എന്.ടി.യു.സി, എസ്.ടി.യു, എച്ച്.എം.എസ്, യു.ടി.യു.സി, ടി.യു.സി.െഎ, ജനത ട്രേഡ് യൂനിയന് എന്നിവരാണ് പണിമുടക്കിന് ആഹ്വാനം ചെയ്തിരിക്കുന്നത്.
إرسال تعليق